Dyggð 5: Reisn.

Reisn er ekki að ganga um teinréttur í baki sama hvað á dynur.  Reisn er ekki að bera sig vel verandi í miðjum erfiðleikastormi.  Reisn er ekki að leika "allt er svo frábært" ef innri veruleiki er allt annar.  

"Komdu fram við aðra eins og þú vilt að komið sé fram við þig".   Á sama hátt verðum við að setja okkur skýr mörk hvernig við komum fram við okkur sjálf.  Þá um leið getum við speglað til annarra hvernig við viljum að komið sé fram við okkur.  

Við þurfum einungis að gefa okkur svigrúm til að íhuga hver gildi okkar eru áður en við bregðumst við orðum eða gjörðum annara.  Virðing í samskiptum okkar eykst og okkar eigin sjálfsvirðing vex.  

 

Þegar við upplifum að hafa ekkert að sanna og ekkert að verja, þá lifum við með reisn....