Vonbrigði eru alltaf afleiðingar væntinga.....

Jólin gengu í garð.  Varð einhver hissa? Nei, ég hélt ekki.

Samt er eins og það hangi yfir mörgum einhvers konar ósýnileg hótun, eða ógn, um að ef föstu rituali er ekki fylgt í aðdraganda jólanna, þá barasta komi ekki jólin.  Sem betur fer njóta flestir (held ég) allra þessara verka sem "þarf" að sinna á aðventunni, en þau ættu auðvitað að vera á þeim forsendum að njóta, en ekki að verða.  

Svo gerist það sem enginn setti inn í planið; maður leggst í rúmið á aðfangadag með flensu eða ælu; "SHI.....og ég sem var búin að eyða svo rosalega miklum tíma og peningi í að undirbúa þessa fullkomnu stund!"  Og hvað þá?  Jú, mikil ósköp, jólin koma......og líða.  Þá er bara kúnstin að snúa þessu ekki upp í ergelsi og svekkelsi og vonbrigði yfir að "missa af" því sem átti að vera svo grand og glæsilegt. Leiksviðið og sýningin sem heitir "jólin" sem búið var að setja upp í huganum gekk ekki eftir.  Stöðunni verður ekki breytt, einungis hugarfarinu.  Það er gömul saga og ný að hrein og sönn gleði finnst víst bara innra með okkur í þeim aðsæðum sem við erum hverju sinni.

 

Kannski eru væntingarnar það eina ranga í þessu öllu saman..........

 

 

Athugasemdir

[Jóhanna Jensdóttir (IP-tala skráð) 26.12.2012 kl. 18:17]

Hef afar gaman af því lesa skemmtilegar pælingar - svo ég ætla skoða þessa síðu reglulega :) Jólin komu líka hjá mér þó ég væri of sein að öllu (eða allavega seinni en ég ætlaði mér) - Jólin eru alltaf æðisleg því þá er fjölskyldan svo mikið saman. Þá finnum við gleðina innra með okkur - hitt allt er aukaatriði þó svo maður reyni líka alltaf að halda öllum venjum og siðum.