Forsetavald, málskotsréttur, lýðræði......ég skil ekki alveg...

Getur einhver útskýrt þetta betur fyrir mér?  Sko; ég kýs lýðræðiskosningu þingmenn til Alþingis og gef þeim því umboð mitt til að bæta lífskjörin á landinu mínu.  Síðan kýs ég forseta, sem ég reyndar er ekki alveg viss um hvers vega. Hann síðan getur beitt neitunarvaldi á þær ákvarðanir sem ég upphaflega gaf þingmönnunum vald til að taka, og þá má ég kjósa sjálf beint um málefnið sem um ræðir.  ÚFF!  Er þetta ekki eitthvað of flókið ferli?  Til hvers að kjósa alþingismennina ef þeim er ekki treystandi?  Af hverju má ég þá ekki bara kjósa um öll mál?  Hvað með þennan forseta;  er hann sem sagt pólitískur? 

Svo held ég bara að ofantaldir aðilar (að mér meðtaldri) ráði engu, heldur þeir sem eiga monningana......eða hvað.....

 

 

Athugasemdir

[Valdimar Samúelsson, 11.6.2012 kl. 23:55]

Þessir Alþingismenn eru hrossakaupmenn það er vitað. Jú þú kýst þá en það er ekki allt sem sýnist Sjáðu hvað steingrímur gerði þegar hann sveik öll kosningaloforð og þar á meðal Vegna ESB en hans og flokksins stefna var að koma ekki nálægt ESB. Forsetinn getur virkjað okkar vald ef hann vill. Hann getur líka sagt já við öllu sem kemur frá þinginu. Við fólkið viljum aðhald á þingmenn og samkvæmt stjórnarskránni getur forsetinn aðeins gert það.  Ekki kjósa einhver afþví bara heldur gerðu þér grein hvað er að ske í þessu þjóðfélagi. Í mínum augum er Ólafur góður fyrir land og þjóð næstu árin síðan myndi ég skjósa Herdísi en hún er með mikla reynslu sem Lögfræðingur ásamt meiru.

[Sigríður Lárusdóttir, 12.6.2012 kl. 09:34]

Veistu Valdimar;  ég var áður alveg svakalega pólitísk.  Nú finnst mér bara eins og þingheimur sé algjörlega dottinn úr sambandi við raunveruleikann.  Starfsaðferðir þingsins og samskipti þingmanna eru ekki til að auka virðingu mína.  Í dag rekur enginn farsælt fyrirtæki með svona skítkasts-aðferðum enda er árangurinn hjá þeim blessuðu þingmönnunum ekki beint til að auka virðingu almennings.  Ég held bara að þetta fyrirkomulag sé ekki lengur hentugt því tímarnir hafa breyst ansi hratt t.d. hvað varðar upplýsingaflæði gegnum netið.  Allur "skíturinn" berst okkur hratt og vel og því hrapar þessi þingmannastétt hratt niður af stallinum sem hún gat verið á í nafni leyndar og pukurs hér áður fyrr.